හොරණ නගරයෙන් ගමන් ආරම්භ කරන සියලුම පෞද්ගලික බස් රථ අද උදෑසන සිට ධාවනයෙන් ඉවත්ව තිබේ.
මතුගම හොරණ මාර්ගයේ පෙලේගොඩ සිට කොළඹ දක්වා ධාවනය වූ පෞද්ගලික බස් රථයක් දින කීපයක සිට ගමන් මාර්ගය වෙනස්කර බුලත්සිංහල සිට ධාවනය ආරම්භ කිරීමට විරෝධය පළකරමින් මෙම වර්ජනය ආරම්භකර ඇත.
රාජකාරි සදහා මෙන්ම පාසල්වලට පැමිණෙන දරුවන් ද වර්ජනය හේතුවෙන් දැඩි අපහසුතාවට පත්ව සිටී.
ජනතාවට සිදුවන අසීරුතාව වැළැක්වීම සදහා ලංකා ගමනාගමන මණ්ඩලයට අයත් බස් රථ හොරණ සිට ධාවනයට එක්කිරීමට පියවර ගෙන ඇතැයි වාර්තා වේ.
