රටපුරා මේ වන විට ව්‍යාජ සිමෙන්ති හිඟයක් මවා කලුකඩ මිලට සිමෙන්ති අලෙවි කිරීමේ ජාවාරමක් ක්‍රියාත්මක වෙමින් තිබේ.
සාමාන්‍යෙයන් කිලෝ 50 ප්‍රමාණයේ සිමෙන්ති කොට්ටයක මිල රුපියල් 1375 ක් පමණ වූවත් කලුකඩ මිලට අලෙවි වන්නේ රුපියල් 1800 ත් 2000 ත් අතර මිලකටය.
මේ දිනවල සිමෙන්ති හිඟයැයි සදහන් වූවත් කලුකඩ මිලට ඕනෑ කරම් සිමෙන්ති මිලදී ගැනීමට ඇති බව අප ඒ සම්බන්ධයෙන් කළ නිරීක්ෂණයකදී තහවුරු විය.
ඇතැම් වෙළදුන් මෙම කූඨ ජාවාරමේ නිරතවන්නේ සිමෙන්ති තොග සිය ගබඩාවල ගබඩා නොකර ලොරි රථවලම තබාගෙනය.
එසේ ඔවුන් ලොරි රථවලම තබාගෙන සිමෙන්ති අලෙවි කරනුයේ පාරිභෝගික අධිකාරිය හෝ වෙනත් අංශයක් පැමිණ ඔවුන්ගේ ගබඩා පරීක්ෂා කිරීමේදී සිමෙන්ති නැතැයි පැවසීමටය.
ලොරි රථවල ඇත්තේ ඇනවුම් කල සිමෙන්ති ප්‍රවාහනයට සූදානමින් බව පවසමින් ජාවාරම්කරුවන් නීතියෙන් රිංගායන බව අපගේ නිරීක්ෂණයට ලක්විය.
