දෙමටගොඩදී ඩිපෙන්ඩරයකින් තරුණයෙක් පැහැරගෙන ගොස් අයුතු ලෙස රදවා තබාගෙන පහරදීමක් සම්බන්ධයෙන් එිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර මහත්මියට එරෙහිව නීතිපති ගොනුකර ඇති නඩුව ලබන මාර්ගු 23 වෙනිදා සිට විභාග කිරීමට කොළඹ මහාධිකරණ විනිසුරු අමල් රණරාජා මහතා අද නියම කළේය.
2015 වසරේ දෙසැම්බර් 21 වෙනිදා දෙමටගොඩ මහවිල උද්‍යානය ආසන්නයේ පිහිටි රෙදි පිළි වෙළද සැළක සේවයේ නිරතව සිටි අමිල ප්‍රියංකර නැමැති තරුණයෙක් මෙසේ පැහැර ගෙන තිබුණි.
මෙම වරද සම්බන්ධයෙන් හිරුණිකා ප්‍රේමචන්ද්‍ර මහත්මියගේ ආධාරකරුවන් 07 දෙනෙක් කොළඹ මහාධිකරණය හමුවේ මෙයට පෙර වරද පිළීගත් බැවින් ඔවුන්ට බරපතල වැඩ ඇතිව වසර දෙකක සිරදඩුවම් නියම කර එම දඩුවම වසර 12 කට අත්හිටුවනු ලැබීය.
