fbpx
තවත්
    මුල් පිටුවඋණුසුම් පුවත්ප්‍රියන්තගේ ඝාතනය සමාජ මාධ්‍යවල සාධාරණීකරණය කළ අයෙක් හිරගෙට

    ප්‍රියන්තගේ ඝාතනය සමාජ මාධ්‍යවල සාධාරණීකරණය කළ අයෙක් හිරගෙට

    පාකිස්ථානයේදී අමානුෂික ලෙස ආගමික අන්තවාදීන්ගේ ඝාතනයට ලක්වූ ශ්‍රී ලාංකික්‍යාගේ ඝාතනය සමාජ ජාල ඔස්සේ සාධාරණීකරණය කිරීම සහ අන්තවාදී හැඟීම් ඇවිස්සීම සම්බන්ධයෙන් පුද්ගලයෙකුට එරට ගුජ්රාන්වාලා හි අධිකරණයක් විසින් ඊයේ වසරක සිර දඬුවමක් සහ රුපියල් 10,000 ක දඩයක් නියම කරන ලදී.

    2021 දෙසැම්බර් 3 වන දින සියල්කොට් හි වසිරාබාද් පාරේ පිහිටි කර්මාන්ත ශාලාවේදී රාජ්කෝ කර්මාන්ත හා ඇඟලුම් කම්හලේ සාමාන්‍යාධිකාරී ශ්‍රී ලාංකික පුරවැසියෙකු වන ප්‍රියන්ත කුමාර මැර පිරිසක් විසින් ඝාතනය කරන ලදී.

    සියල්කොට් හි නිසාම්පූර් හි 27 හැවිරිදි මුහම්මද් අද්නාන් නමැති වරදකරු ප්‍රියන්ත ඝාතනය පිළිබඳ වීඩියෝවක් ඔහුගේ යූ ටියුබ් නාලිකාවේ මුදාහැර, එම ඝාතනය හා සිරුර පුළුස්සා දැමීම සාධාරණීකරණය කර ඇත.

    දෙසැම්බර් 5 වැනිදා, සහකාර උප පොලිස් පරීක්ෂක මුබාරක් අලිගේ ඉල්ලීම මත, ආගමික වෛරය පතුරුවා හැරීම සහ මහජන හැඟීම් ඇවිස්සීම සම්බන්ධයෙන් අද්නාන්ට එරෙහිව රිංපුර පොලිස් ස්ථානය ගොනු කළ පෙත්සමකින් අනතුරුව නීතිමය ක්‍රියාවලිය ආරම්භ විය.

    පසුව ඔහු ගුජ්රන්වාලා හි ත්‍රස්ත විරෝධී අධිකරණයේ නඩු විභාගයට පෙනී සිටියේය. විනිසුරු නතාෂා නසීම් ඊයේ තීන්දුව ප්‍රකාශයට පත් කළේය.

    ශ්‍රී ලාංකික පුරවැසියෙකු ඝාතනය කිරීමේ නඩුවේ අනෙකුත් විත්තිකරුවන් රක්‍ෂිත බන්ධනාගාරගත කර ඇත.

    සැකකරුවන් ජනවාරි 31 වැනිදා ගුජ්රාන්වාලා ත්‍රස්ත මර්දන අධිකරණයට ඉදිරිපත් කිරීමට නියමිතය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.