තරග තුනකින් සමන්විත එක්දින තරගාවලියේ පළමු තරගය කඩුලු 5කින් ජය ගැනීමට ශ්‍රී ලංකා කණ්ඩායම අද(16) සමත්විය.
පල්ලෙකැලේ ජාත්‍යන්තර ක්‍රීඩාංගණයේ පැවැති තරගයේ මුලින් පන්දුවට පහරදුන් සිම්බාබ්වේ කණ්ඩායම නියමිත පන්දුවාර 50 තුළ කඩුලු 9ක් දැවී ලකුණු 296ක් ලබා ගත්තේය.
ශ්‍රී ලංකා කණ්ඩායමට අභියෝගයක් එක් කළ හැකි මට්ටමේ මෙම ලකුණු පුවරුව වෙනුවෙන් සියැන් විලියම්ස් පන්දු 87කදී ලබාගත් ශතකය බෙහෙවින් ඉවහල්විය.
ලකුණු 297ක ඉලක්කය හඹාගිය ශ්‍රී ලංකා කණ්ඩායම තවත් පන්දු නවයක් ඉතිරිව තිබියදී ලකුණු 300ක් ලබා ගනිමින් ජයග්‍රහණය වාර්තා කළේය. ඒ වනවිට සිම්බාබ්වේ කණ්ඩායමට ලබාගත් හැකිවූයේ ප්‍රතිවාදී ශ්‍රී ලංකා කණ්ඩායමේ කඩුලු 5ක් පමණි.
ශ්‍රී ලංකා ලකුණු පුවරුව හැඩ කළ දිනේෂ් චන්දිමාල් තරගයේ වීරයා සම්මානය දිනා ගනිමින් පන්දු 91කදී ලකුණු 75ක් ලබා ගත්තේය. පැතුම් නිශ්ශංක සහ චරිත් අසලංක ලකුණු 75 බැගින් ලබා ගත්හ.
තරගාවලියේ මීළඟ තරගය අනිද්දා (18) දින දිවා රාත්‍රී තරගයක් ලෙස පල්ලෙකැලේ ජාත්‍යන්තර ක්‍රිකට් ක්‍රිඩාංගණයේ දී පැවැත්වෙයි.
