කොළඹ විශ්වවිද්‍යාලයේ 2021 උපාධි ප්‍රදානෝත්සවය සඳහා එහි විද්‍යා ආචාර්යවරුන්ගේ සංගමය සාමාජිකයන් සහභාගි නොවීමට ඒකමතිකව තීරණය කර තිබේ.
ඒ කොළඹ විශ්වවිද්‍යාලයේ කුලපතිවරයා ලෙස පූජ්‍ය මුරුත්තෙට්ටුවේ ආනන්ද හිමියන් ඊට සහභාගි වන බැවින් උන්වන්සේගේ පත්වීමට අප්‍රසාදය පළකිරීම උදෙසා බව එම සංගමය පවසයි.
පසුගියදා කොළඹ විශ්වවිද්‍යාලයේ කුලපති ධූරයට පූජ්‍ය මුරුත්තෙට්ටුවේ ආනන්ද හිමියන් පත්කිරීම සම්බන්ධයෙන් කොළඹ විශ්වවිද්‍යාලයේ විද්‍යා ආචාර්යවරුන්ගේ සංගමය (UCSTA) මුල් අවස්ථාවේදී ද විරෝධය පළකර තිබුණි.
