තම පක්ෂයේ මන්ත්‍රීවරුන් ඉදිරි පාර්ලිමේන්තු සැසි සදහා සහභාගි වනවාද නැද්ද යන්න කතානායක මහින්ද යාපා අබේවර්ධන මහතා සමඟ අද (6) පැවැත්වෙන සාකච්ඡාවෙන් අනතුරුව තීරණය කරන බව සමඟි ජන බලවේගයේ මහලේකම්, පාර්ලිමේන්තු මන්ත්‍රී රංජිත් මද්දුම බණ්ඩාර මහතා newswaveLK වෙත පැවසීය.
අයවැය විවාදය අතරතුර දී තමාට කතා කිරීමට ප්‍රමාණවත් කාලයක් ලබානොදෙන බව මනූෂ නානායක්කාර (ස.ජ.බ) පැවසීමත් සමඟ පෙරේදා (4) පාර්ලිමේන්තුවේ දී උණුසුම් තත්ත්වයක් ඇති විය.
එම අවස්ථාවෙදී ප්‍රබල කැබිනට් අමාත්‍යවරයකු හා රාජ්‍ය අමාත්‍යවරයකු තමාට පහරදීමට උත්සහ ගත්බව නානායක්කාර මන්ත්‍රීවරයා පාර්ලිමේන්තුවේ දී පැවසීය.
ඒ අනුව විපක්ෂයේ මන්ත්‍රීවරුන්ගේ ආරක්ෂාව තහවුරු කරනතුරු පාර්ලිමේන්තුවට නොපැමිනෙන බව පවසමින් සමඟි ජන බල වේගයේ මන්ත්‍රීවරුන් 4 වැනිදා සභාගැබෙන් පිටව ගියෝය.
