පේරාදෙණිය, කලුගමුව ප්රදේශයේදී මහවැලි ගඟේ දියනාමින් සිටි පස් දෙනෙකු ඊයේ (05) සවස දියේ ගිලී තිබේ.
ඒ අයගෙන් දෙදෙනෙකුගේ දිවි බේරා ගැනීමට ප්රදේශවාසීන් සමත්ව ඇති අතර එක් අයෙකුගේ මළ සිරුරක් හමුවී ඇත. 20 හැවිරිදි මවක් සහ එම මවගේ 02 හැවිරිදි දරුවා අතුරුදන්ව ඇතැයි පොලීසිය කියයි.
මියගොස් ඇත්තේ, 20 හැවිරිදි මහනුවර මාපනාවතුර ප්රදේශයේ පදිංචිකරුවෙකි.
අතුරුදන් වු අය සොයා පොලිස් ජීවිතාරක්ෂක නිලධාරීන්, නාවික හමුදාව සහ ප්රදේශවාසීන් එක්ව අද දිනයේත් මෙහෙයුම් කටයුතු සිදුකරන බව පොලීසිය පවසයි.