fbpx
තවත්
    මුල් පිටුවspecialස්ත්‍රී ප්‍රජනන පද්ධතිය ආශ්‍රීතව මතුවිය හැකි රෝග

    ස්ත්‍රී ප්‍රජනන පද්ධතිය ආශ්‍රීතව මතුවිය හැකි රෝග

    ලිංග්‍රාශ්‍රීත රෝග පිළිබඳ විශේෂඥ වෛද්‍ය දිලේකා සොන්නාදර මහත්මිය

    ස්ත්‍රී ප්‍රජනන පද්ධතිය ආශ්‍රීතව යම් රෝගයක් හෝ ගැටලුකාරී තත්ත්වයක දී වෛද්‍ය උපදෙස් හා ප්‍රතිකාර ලබා ගැනීමට තවමත් සමාජය තුළ මැළිකමක් දක්වයි. ඒ තුළින් නොයෙකුත් අතුරු රෝග ලක්ෂණ වගේම රෝගය වර්ධනය වීමට ද හේතුවීමට පුළුවනි. ඒ නිසාම ඒ පිළිබඳව ඔබව දැනුවත් කිරීමට අපි සම්බන්ධ කර ගත්තා,

    ලිංග්‍රාශ්‍රීත රෝග පිළිබඳ විශේෂඥ වෛද්‍ය දිලේකා සොන්නාදර මහත්මිය

    ස්ත්‍රී ප්‍රජනන පද්ධතිය ආශ්‍රීතව මතුවිය හැකි රෝග


    කාන්තාවකගේ යෝනී මාර්ගය ආශ්‍රීතව ඇතිවිය හැකි රෝග, ලිංගාශ්‍රීතව සම්ප්‍රේෂණය වන රෝග, ලිංගාශ්‍රීතව සම්ප්‍රේෂණය නොවන රෝග ලෙස වර්ගීකරණය කරන්න පුළුවනි.

    ලිංගාශ්‍රීතව බෝවන රෝග


    ලිංගික හර්පීස්, ලිංගික ඉන්නන්, ගෝනෝරියාව, ගර්භාෂ ප්‍රදාහය, ගෝනෝරියා නොවන ම්‍රත්‍රා ප්‍රදාහය, ට්‍රයිකොමොනයසීස්, දීලිරි ආසාධන
    මීට අමතරව ලිංගික සම්බන්ධතාවයක දී සම්ප්‍රේෂණය නොවන කාන්තා යෝනී මාර්ගය / ප්‍රජනක පද්ධතිය ආශ්‍රිතව ඇති විය හැකි රෝග තිබෙනවා.

    රෝගය හඳුනාගත හැකි ලක්ෂණ


    ලිංගාශ්‍රීතව ඇති වන රෝග සමහර වේලාවට රෝග ලක්ෂණ නොපෙන්වන අවස්ථා ද තිබෙයි. නමුත් රෝග ලක්ෂණ ලෙස ලිංගාශ්‍රීතව ඇතිවන තුවාල බිබිලි, ලිංගික ඉන්නන්, යෝනී මාර්ගයෙන් අසාමාන්‍ය ශ්‍රාවය, යටි බඩ ආ-ශ්‍රීතව වේදනාව හඳුනාගත හැකියි. නමුත් HIV වැනි ලිංගාශ්‍රිතව සම්ප්‍රේෂණය වන රෝග කිසිදු රෝග ලක්ෂණයක් නොපෙන්වනා පුද්ගල ප්‍රතිශක්තිකරණ පද්ධතියට හානි කරමින් තිබිය හැකියි.

    රෝග වල සංකූලතා


    ප්‍රතිකාර නොගෙන ඇති ලිංගිකව බෝවන රෝගයකින් පෙළෙන කාන්තාවක් නම්, දරු ඵල අහිමි වීම, මඳසරුභාවය, අඩු බර දරු උපත්, නො‍මේරූ දරු උපත්, ගබ්සාවීම්, මළ- දරු උපත්, මවගෙන් දරුවාට රෝගය සම්ප්‍රේෂණය, ලිංගික සබඳතා පැවැත්වීමේ දී වේදනාකාරී තත්ත්වය, ගර්භාෂ සැරව ගෙඩි ඇතිවීම.

    මෙවැනි රෝග වලින් පෙළිම මව් පදවිය ලැබීමට බාධාවක් ද ?

    HIV ඇතුළු අනෙකුත් ලිංගාශ්‍රීත රෝග සාර්ථකව මර්ධනය කිරීමට ප්‍රතිකාර තිබෙයි. ඒ නිසා නිසි පරිදි වෛද්‍ය උපදෙස් ලබාගෙන ප්‍රතිකාර වලට යොමු වීම තුළ දරුවාට මව හරහා දරුවාට සම්ප්‍රේෂණය වීම වළක්වා නිරෝගී දරු උපතක් ලබා ගැනීමට පුළුවනි.
    ලිංගාශ්‍රීත රෝග සඳහා ප්‍රතිකාර ලබා ගත් පසු මව් පදවිය ලබා ගැනීමට කිසිදු බාධාවක් නොවෙයි.

    Expecting baby
    Expecting baby

    මව් කිරි දෙන මවක් මේ රෝගයෙන් පෙළිම තුළින් දරුවාට මව්කිරි ලබා දීම බාධාවක් ද ?


    යෝනී මාර්ගය ආශ්‍රීතව ඇති වන ලිංගාශ්‍රීත බෝවන රෝග තත්ත්ව වල දී මව්කිරි ලබා දීමේ කිසිදු ගැටලුවක් ඇති නොවේ.
    නමුත් HIV ආසාධිත මවකගේ මව්කිරි මගින් රෝගය සම්ප්‍රේෂණය වීමට පුළුවනි.

    සාමාන්‍යයෙන් කාන්තාවක් ස්වයං වින්දනයට යොමු වීම සාමාන්‍යයයි. ඒ හරහා මේ ලිංගික රෝග ඇති වෙනවා ද ?

    සාමාන්‍යයෙන් ස්ත්‍රී/ පුරුෂ දෙපක්ෂයම ස්වයං වින්දනය පිළිබඳ සමාජය තුළ විවිධ වූ මිත්‍යා මත ගොඩනැගි තිබෙයි. උද්‍ර: ලෙස කාන්තා ස්වයං වින්දනය මඟින් ස්ත්‍රී ප්‍රජනක පද්ධතිය ආශ්‍රීත රෝග ඇති වීම.
    නමුත් එමගින් ලිංගාශ්‍රීත බෝවන රෝග ඇතිවීමක් සිදු නොවේ.
    කාන්තා / පිරිමි ස්වයං වින්දනය යනු වෛද්‍ය විද්‍යාත්මක පිළිගත් ආරක්ෂිත ලිංගික තෘප්තියක් ලබා ගැනීමට නිර්දේශ කළ හැකි ක්‍රමයකි.

    Top view of smiling woman waking up in her bed
    Top view of smiling woman waking up in her bed

    මේ රෝග සඳහා තිබෙන ප්‍රතිකාර රටාව

    ඔබට මෙවැනි රෝග ලක්ෂණ ඇත්නම් ළඟම ඇති ලිංගාශ්‍රීත රෝග සායනයෙන් ලිංගික රෝග පිළිබඳ වෛද්‍යවරයෙකු හමුවී ප්‍රතිකාර ලබා ගත හැකියි.
    බොහෝ ප්‍රතිකාර ඉතා සරල ප්‍රතිකාර වන අතර දින කිහිපයකට සීමා වෙයි.
    නමුත් එය රෝගියාගේ කැමැත්ත ඇතිව පමණක් සිදු කරයි. 100% රහසිගතභාවය ආරක්ෂා කරගෙන ප්‍රතිකාර සහ පරික්ෂණ සිදු කරයි.

    නිසි ප්‍රතිකාර ලබා ගැනීමෙන් පසුව ඔබට රෝගය නිසා වන සංකූලතා වළක්වා ගැනීමට පුළුවනි.
    ඔබගෙන් ඔබගේ සහකරුවාට රෝගය බෝවීම සීමාවේ.
    ඔබගෙන් ඔබේ නූපන් දරුවාට රෝගය සම්ප්‍රේෂණය වීම වළකයි.
    සුවදායි ලිංගික සබඳතාව තුළින් සතුටු සාමකාමී විවාහ ජිවිතයක් ගත කළ හැකියි.
    මෙහි දී ඔබගේ රෝගය නැවත ඇතිවීම වැළැක්වීමට සහකරු / සහකාරිය ට ද ප්‍රතිකාර කිරිම අවශ්‍ය වෙයි.

    ප්‍රතිකාර ලබා ගන්නා අතරතුර රෝගියා සැලකිලිමත් විය යුතු දේවල්


    නිසි පරිදි ඖෂධ ලබාගැනීම හා වෛද්‍ය සායන වලට සහභාගී වීම, වෛද්‍ය උපදෙස් පිළිපැදීම.
    ලිංගික සහකරු / සහකාරිය සම්පුර්ණ ප්‍රතිකාර ලබා ගෙන අවසාන වන තෙක් වෛද්‍ය නිර්දේශ කරන කාලය තුළ ලිංගික සබඳතා වලින් වැළකීම හෝ කොණ්ඩමයක් භාවිත කිරීම.

    රෝගය නිට්ටාවට ම සුව කළ හැකි ද ?


    නිවැරදි ප්‍රතිකාර හා රෝගියාගේ උනන්දුව මත නිට්ටාවට ම රෝගය සුව කළ හැකි අතර, ලිංගික හර්පීස් / ලිංගික ඉන්නන් වැනි රෝග සාර්ථකව මර්ධනය කළ හැකියි.
    එමෙන්ම සාමාන්‍ය පරිදි විවාහ වී දරුවන් ලබා ගැනිමට බාධාවක් නොවෙයි.

    ලිංගික ආශ්‍රීත රෝගයක් වැළකීමට භාවික කළ හැකි උපක්‍රම

    ආරක්ෂිත ලිංගික සබඳතා පැවැත්වීම, නිසි වයසට එළ‍ඹෙන තෙක් ලිංගික සම්බන්ධතා පමා කිරීම.
    විශ්වාසවන්ත එක් සහකරුවකුට හෝ සහකාරියකට සීමා වීම.
    කොණ්ඩමයක් භාවිත කිරීම.

     

    අනාරක්ෂිත ලිංගික සබඳතාවක් පැවැත් වූ අයෙකුට දිය හැකි උපදෙස්

    අනාරක්ෂිත ලිංගික සබඳතාවයක් පවත්වා ඇත්නම් HIV / ලිංගාශ්‍රීත බෝවන රෝග සම්ප්‍රේෂණ විමේ අවධානමක් පවති. එමෙන්ම මේ රෝග බොහොමයක් රෝග ලක්ෂණ පිටතට නොපෙන්වා සිරුරට හානි කරමින් සිරුර තුළ සැගවී තිබෙයි. ඒ නිසා සංකූලතා ඇතිවීමට පෙර HIV පරික්ෂාවක් හා අනෙකුත් ලිංගාශ්‍රිත රෝග සඳහා පරික්ෂාවක් සිදු කර ඔබ නිරෝගී බව සැකහැර තහවුරු කර ගන්න.
    එය ඔබෙත් ඔබේ පවුලේත් නිරෝගී පැවැත්මට මහත් පිටුවහලක් වනු ඇත.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.