fbpx
තවත්
    මුල් පිටුවඋණුසුම් පුවත්ශ්‍රී ලංකා වරලත් ජනමාධ්‍යවේදී ආයතනය හදන්න මෙහෙයුම් කමිටුවක්

    ශ්‍රී ලංකා වරලත් ජනමාධ්‍යවේදී ආයතනය හදන්න මෙහෙයුම් කමිටුවක්

    ජනමාධ්‍ය අමාත්‍යාංශය යටතේ පිහිටුවීමට යෝජිත ශ්‍රී ලංකා වරලත් ජනමාධ්‍යවේදී ආයතනය ස්ථාපනය කිරීම සඳහා ජනමාධ්‍ය අමාත්‍ය ඩලස් අලහප්පෙරුම මහතා විසින් මෙහෙයුම් කමිටුවක් පත් කර තිබේ.

    එම මෙහෙයුම් කමිටුව දහතුන් දෙනෙකුගෙන් සමන්විත වන අතර ජනමාධ්‍ය අමාත්‍යංශයේ ලේකම්වරයා, එම අමාත්‍යංශයේ අතිරේක ලේකම්වරයා සහ එම අමාත්‍යාංශයේ නීති නිලධාරිනිය ඇතුළු ආචාර්ය සහ විෂයේ ප්‍රවීණයන් පිරිසක් එම මෙහෙයුම් කමිටුවට අයත් බව ජනමාධ්‍ය අමාත්‍යාංශය සඳහන් කරයි.

    ජනමාධ්‍ය විෂය ක්ෂේත්‍රයේ සහතික පත්‍ර පාඨමාලාවේ සිට උපාධි සහ පශ්චාත් උපාධි මට්ටම දක්වා අධ්‍යයන අවස්ථා සැලසීමට හැකි වන පරිදි ජනමාධ්‍ය උසස් අධ්‍යාපනයට පර්යේෂණ හා පුහුණු ආයතනයක් ලෙස මෙම වරලත් ජනමාධ්‍යවේදී ආයතනය ස්ථාපිත කිරීමට නියමිතය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.