මේ වනවිට ස්ථිර හා තාවකාලික පදනමේ සේවයේ යෙදී සිටින මරණ පරීක්ෂකවරුන්ගේ සේවාකාලය ලබන දෙසැම්බර් 31 දක්වා දීර්ඝ කර ඇතැයි රජයේ ප්‍රවෘත්ති දෙපාර්තමේන්තුව නිවේදනය කර ඇත.
එම දෙපාර්තමේන්තුව නිකුත් කළ නිවේදනයේ සඳහන් වන්නේ කොවිඩ්-19 වසංගත තත්ත්වය සැලකිල්ලට ගෙන අධිකරණ අමාත්‍යවරයා විසින් මෙම තීරණය ගෙන ඇති බවයි.
ඒ අනුව වයස අවුරුදු 70 සම්පුර්ණ වු හෝ සම්පූර්ණ වීමට නියමිත හදිසි මරණ පරීක්ෂකවරුන්ට තවදුරටත් සේවය කිරීමට හැකියාව පවතියි.
