fbpx
තවත්
    මුල් පිටුවඋණුසුම් පුවත්පනාමුරේ පොලිස් සිරමැදිරියේදී පුද්ගලයෙක් මිය ගියාට පොලීසියේ දෙදෙනෙකුගේ වැඩ තහනම්

    පනාමුරේ පොලිස් සිරමැදිරියේදී පුද්ගලයෙක් මිය ගියාට පොලීසියේ දෙදෙනෙකුගේ වැඩ තහනම්

    පනාමුරේ පොලිස් ස්ථානයේ සිරමැදියක් තුළ දී පුද්ගලයෙක් එල්ලී මියයාම සම්බන්ධයෙන් පොලිස් කණ්ඩායම් තුනක් යොදවා පුළුල් විමර්ශනයක් පවත්වන බව රත්නපුර දිස්ත්‍රික් නියෝජ්‍ය පොලිස්පති සුදත් නාගහමුල්ල මහතා සදහන් කළේය.

    මිය ගිය පුද්ගලයා අත්අඩංගුවට ගෙන ඇත්තේ පවුල් ආරවුලක් මත සිදුවූ පහරදීමක් ගැන පොලීසියට ලද පැමිණිල්ලකට අනුව බවත් ඔහු අද අලුයම් කාලයේදී සිරමැදිරියේ එල්ලී මිය ගොස් ඇති බවත් නාගහමුල්ල මහතා පැවසීය. සිිරමැදිරියේ රදවා සිටි පුද්ගලයෙක් එල්ලී මිය යන තුරුම එය නොදැක සිටීම සම්බන්ධයෙන් එම අවස්ථාවේ රාත්‍රී රාජකාරියේ නිරතව සිටි පොලිස් නිලධාරීන් දෙදෙනෙකුගේ වැඩ තහනම් කළ බවද නියෝජ්‍ය පොලිස්පතිවරයා පැවසීය.

    මෙසේ පොලිස් සිරමැදිරිය තුළ මෙසේ මියගොස් ඇත්තේ නාමුර, වැලිපොත යාය පදිංචිකරුවෙකු වූ 38 හැවිරිදි තිදරු පියෙකුය. එම පුද්ගලයාගේ මියයෑම මුල්කරගෙන පොලිසීය ඉදිරිපිට ප්‍රදේශවාසීන් විරෝධයකද නිරත විය. ඔවුන් චෝදනා කරනුයේ පොලිස් පහරදීමක් එම මරණයට මුල්වී ඇති බවය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.