fbpx
තවත්
    මුල් පිටුවඋණුසුම් පුවත්ග්ලවුස්, බැන්ඩේජ් නිපදවන දේශීය කර්මාන්තරුවන්ට රජය කෝටි ගණනක් ණයයි

    ග්ලවුස්, බැන්ඩේජ් නිපදවන දේශීය කර්මාන්තරුවන්ට රජය කෝටි ගණනක් ණයයි

    දේශිය ඖෂධ හා වෛද්‍ය උපාංග නිෂ්පාදනකරුවන්ට සෞඛ්‍ය අමාත්‍යාංශය රුපියල් කෝටි ගණනක ණයක් ගෙවීමට නියමිතව ඇතැයි එම ඖෂධ සැපයුම්කරුවෝ සඳහන් කරති.

    දේශීය කර්මාන්තකරුවන් විසින් සෞඛ්‍ය අමාත්‍යංශයට සපයන ලද ඖෂධ හා ග්ලවුස්, බැන්ඩේජ් වැනි ශල්‍ය උපාංග මාස ගණනාවක සිට මුදල් ගෙවා නැතැයිද කෝටි ගණනක මුදලක් සෞඛ්‍ය අමාත්‍යාංශයෙන් ලැබීමට නියමිත බවද එම සැපයුම්කරුවෝ සදහන් කරති.

    සෞඛ්‍ය අමාත්‍යාංශය දිගින් දිගටම ණය නොගෙවීම නිසා තමන්ගේ කර්මාන්ත කඩාවැටීමකට ලක්වෙමින් තිබෙන බවද එම නිසා ව්‍යාපාර දැඩි අසීරුතාවකට පත්ව ඇතැයිද ඔවුහු ඔවුහු සඳහන් කරති.

    දේශීය නිෂ්පාදකයින් මේ වන විට රජයේ රෝහල්වලට ඔවුන්ගේ නිෂ්පාදන සැපයීම නතර කර ඇතැයිද එම නිසා රෝහල්වල ඖෂධ හා ශල්‍ය උපාංගවල දැඩි හිඟයක් මතුව ඇතැයි ද දේශීය සැපයුම්කරුවෝ සදහන් කරති.

    මේ අතර දේශීය සැපයුම්කරුවන්ගෙන් ඖෂධ හා ශල්‍ය උපාංග නොලැබීම නිසා හදිසි මිලදී ගැනීම යටතේ අධික මිල ගණන්වලට ඒවා මිලදී ගැනීමට රජයේ රෝහල්වලට සිදු ඇත.

    එවැනි අවස්ථාවලදී මූල්‍ය අක්‍රමිකතා පවා සිදුවන බව ද වාර්තා වේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.