fbpx
තවත්
    මුල් පිටුවදේශීය පුවත්දේශපාලනයඋතුරේ කෘෂිකර්ම පුරප්පාඩු පිරවීමේ දී එල්.ටී.ටී.ඊ පුනරුත්ථාපන පවුල්වලට ප්‍රමුඛතාව

    උතුරේ කෘෂිකර්ම පුරප්පාඩු පිරවීමේ දී එල්.ටී.ටී.ඊ පුනරුත්ථාපන පවුල්වලට ප්‍රමුඛතාව

    මිරිස් වගා කිරිමට කැමති උතුරු පළාතේ තරුණ තරුණියන්ට ඒ සඳහා අවශ්‍ය ඉඩම් සහ අනෙකුත් පහසුකම් ලබාදීමට තමන් සූදානම් බව කෘෂිකාර්ම අමාත්‍ය මහින්දානන්ද අලුත්ගමගේ මහතා පවසයි.

    ඒ අනුව මෙම ව්‍යාපෘතියට සම්බන්ධ වීමට උනන්දුවක් දක්වන උතුරු පළාතේ තරුණ තරුණියන්ට ඉඩම්, උසස් තත්ත්වයේ බීජ හා අනෙකුත් පහසුකම් සපයන බවද අමාත්‍යවරයා සඳහන් කළේය.

    එමෙන්ම උතුරු පළාතේ කෘෂිකාර්මික කේෂ්ත්‍රයේ තනතුරු පුරප්පාඩු පිරවීමේදී එල්.ටී.ටී.ඊ සංවිධානයට සම්බන්ධව සිට පුනරුත්ථාපනය වු පවුල්වල සාමාජිකයන්ට සුදුසුකම් අනුව ප්‍රමුඛතාව ලබාදීමට කටයුතු කරන බවද හෙතම කියා සිටියේය.

    එල්.ටී.ටී.ඊ සංවිධානයට සම්බන්ධව සිට පුනරුත්ථාපනය ලැබු පිරිසක් සමඟ අමාත්‍යාංශයේ දී ඊයේ (10) පැවති සාකච්ඡාවකට එක් වෙමින් කෘෂිකාර්ම අමාත්‍යවරයා මේ බව සඳහන් කළේය.

    තමන් මේ වනවිට මුහුණ දී සිටින සමාජ, ආර්ථික හා ජීවන ගැටළු සම්බන්ධ සංදේශයක් ද ⁣මෙහිදී එම පිරිස අමාත්‍යවරයාට බාරදුන්හ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.