බඩුමිල ඉහළ දැමීමේ කටුක යථාර්ථයයට මුහුණ දීමට වත්මන් රජයට සිදුව ඇතැයි වැවිලි අමාත්‍ය වෛද්‍ය රමේෂ් පතිරණ මහතා පැවසීය.
බඩුමිල ඉහළ දමා ජනතාව අපහසුතාවයට පත්කිරීමට කිසිම රජයක් කැමති නැතැයිද ඔහු සදහන් කළේය.
නමුත් ඉදිරි මාස දෙක, තුන ඇතුළත රට දුෂ්කරසමය අවසන් වීමත් සමඟ සියල්ල සාමාන්‍යකරණය වේ යැයිද අමාත්‍යවරයා සඳහන් කළේය.
එබැවින් තවදුරටත් රජය විශ්වාස කරන ලෙසද ඔහු ජනතාවගෙන් ඉල්ලා සිටියේය.
අමාත්‍යවරයා මෙසේ ද පැවසීය.
“මේ වනවිට ලෝක වෙළෙඳපලේ සෑම භාණ්ඩයක්ම මිල ඉහළ ගිහිල්ලා. බොරතෙල්,සිමෙන්ති,වානේ,සීනි මේ සියල්ලේම මිල වැඩිවෙලා. බඩුමිල ඉහළ දැමීමට සිදුවීම සම්බන්ධයෙන් අපි කණගාටුවට පත්වෙනවා.
කොරෝනා වයිරස ව්‍යාපෘතිය නිසා සංචාරක ව්‍යාපාරයෙන් පසුගිය වසරේ සාර්ථක වුණේ නැහැ . සංචාරක ව්‍යාපාරය බිඳ වැටීම නිසා රටට විදේශ විනිමය ලැබෙන්නේ නැහැ. ඒ නිසා රටේ ඩොලර් හිඟයක් තියෙනවා යැයිද අමාත්‍යවරයා සඳහන් කළේය.”
