කුරුදු ඉඩමක් වටා ඇද තිබුණු විදුලි උගුලකට හසුවීමෙන් කොළොන්න පිටවෙල දී පෙම්යුවලක් මියගොස් ඇත.
දික්වැල්ල වඩුමඩුවේ පදිංචිකරුවෙක් වන 26 වියැති තරුණයෙක් සහ කොළොන්න පිටවල පදිංචි 17 හැවරදි තරුණියක් මෙසේ මියගොස් තිබේ.
මෙම යුවල සමාජ මාධ්ය ජාල ඔස්සේ දැන හදුනාගෙන ඇති අය බවත් පෙම්වතා ඊයේ පෙම්වතිය මුණ ගැසීමට තරුණියගේ නිවස ආසන්නයට යතුරු පැදියකින් පැමිණ ඇති බවත් පොලිස් විමර්ශන වලින් පෙනී ගොස් ඇත.
දෙදෙනා කතාබහ කරමින් සිටියදී නිවැසියන් ඒ බව දැකීම නිසා බියට පත්ව ඔවුන් යාබද කුරුදු වත්ත දෙසට දිවගොස් ඇති බවත් එහිදී විදුලි උගුලේ පැටලීමෙන් විදුලි සැර වැදී ඔවුන් මිය ගොස් ඇති බවත් පොලීසිය සදහන් කරයි.
මෙම යුවලගේ මළ සිරුරු හමුවී ඇත්තේ අද දිනයේදීය. විදුලි උගුල ඇටවූ වතු හිමියාවද පොලීසිය අත්අඩංගුවට ගෙන තිබේ.