නීති විරෝධි ලෙස මුහුදු මාර්ග ඔස්සේ ධිවර යාත්‍රා මගින් මෙරටට රැගෙන එමින් තිබියදී අප්‍රේල් සහ මැයි යන මාස දෙකක කාලය තුළ පමණක් රුපියල් බිලියන 23ක් පමණ වටිනා හෙරොයින් සහ අයිස් මත්ද්‍රව්‍ය අත්අඩංගුවට ගෙන ඇතැයි පොලිස් මාධ්‍ය කොට්ඨාශය සඳහන් කරයි.
බහුදින යාත්‍රා මගින් මෙරටට රැගෙන එමින් තිබියදී වැටලීම් හතරකදී මෙම මත්ද්‍රව්‍ය සමඟ සැකකරුවන් 25 දෙනෙක් අත්අඩංගුවට ගෙන ඇති බව ද පොලිස් මාධ්‍ය කොට්ඨාශය සඳහන් කළේය.
හෙරොයින් කිලෝ 542ක් සහ අයිස් මත්ද්‍රව්‍ය කිලෝ 1216ක් මෙසේ අත්අඩංගුවට ගෙන ඇත.
අප්‍රේල් 05 වෙනිදා සැකකරුවන් 08 දෙනෙක් සමඟ හෙරොයින් කිලෝ 191ක්ද අයිස් කිලෝ 671ක්ද, අප්‍රේල් 12 වෙනිදා සැකකරුවන් 06 දෙනෙක් සමඟ හෙරොයින් කිලෝ 77න් සහ අයිස් කිලෝ 42ක්ද, මැයි 28 වෙනිදා සැකකරුවන් 06 දෙනෙක් සමඟ හෙරොයින් කිලෝ 166ක් සහ අයිස් කිලෝ 253ක්ද, එදිනම සැකකරුවන් 05 දෙනෙක් සමඟ හෙරොයින් කිලෝ 108ක් සහ හෙරොයින් කිලෝ 250ක්ද වශයෙන් මෙම මත්ද්‍රව්‍ය වැටලීම් සිදුකර තිබේ.
