සෞඛ්‍ය සේවකයින් අද වැඩවර්ජනයක නිරත වන රජයේ රෝහල්වලට සහය ලබාදීමට ශ්‍රී ලංකා යුද හමුදාව පියවර ගෙන තිබේ.
වෛද්‍යවරුන්ට පමණක් ලබාදී ඇති දීමනාව තමන්ටද වැඩි කරන ලෙස ඉල්ලමින් සෞඛ්‍ය කළමනාකරණ සහකාර, උපස්ථායක, සෞඛ්‍ය සහකාර ඇතුළු සියලුම සෞඛ්‍ය සේවකයින් අද පෙරවරු 06.00 සිට වෘත්තීය ක්‍රියාමාර්ගයක් දියත් කළහ.
වෛද්‍යවරුන්ට පමණක් ලබාදෙන බාධා කිරීම්, ලබා ගත හැකි සහ ප්‍රවාහන (DAT) දීමනාව රුපියල් 35,000කින් වැඩි කිරීමට රජය තීරණය කර තිබුණි.
සෞඛ්‍ය සේවකයින්ගේ වැඩවර්ජනය හේතුවෙන් රජයේ රෝහල් කිහිපයක කටයුතු අඩාල වී තිබේ.
ඒ අනුව, විපතට පත් රජයේ රෝහල්වල මෙහෙයුම් සඳහා අවශ්‍ය සහය ලබා දීම සඳහා හමුදා නිලධාරීන් යොදවා ඇති බව ශ්‍රී ලංකා යුද හමුදාව පවසයි.
@Sri_Lanka_Army Troops are Stepping Up to Assist Government Hospitals during the Minor Staff Strike.
Read more :- https://t.co/kPRhiXcAbg@adaderanasin @Dailymirror_SL @DailyNews_lk @newsdotlk @NewsfirstTamil @NewsWireLK @SriLankaTweet @thamilannews @ThinakaranLK pic.twitter.com/BFH0xOv3SM— Sri Lanka Army (@Sri_Lanka_Army) January 11, 2024
