2022 දී, මෙරට අවම වශයෙන් මිලියන භාගයකට රැකියා අහිමි වූ බව ලෝක බැංකුව පවසයි.
එලෙස රැකියා අහිමිවූවන්ගෙන් වැඩිදෙනෙක් කර්මාන්ත හා සේවා අංශවල සහ රැකියා කරන කාන්තාවන් ය.
දැනටමත් දුප්පතුන් ලෙස වර්ගීකරණය කර ඇති අයගේ ජීවන වියදම 65% කින් ඉහළ ගොස් ඇති බව ලෝක බැංකුව පෙන්වා දෙයි.
දිළිඳු නොවන අය සඳහා එම වැඩිවීම 57% ක් විය.
සියලු ශ්‍රී ලාංකිකයන් සඳහා සැලකිය යුතු සුබසාධනයක් අහිමි වීම යන කරුණද ලොක බැංකුව ඊයේ නිකුත් කළ වාර්තාවකින් පවසා ඇත.
අර්බුදකාරී කාලවලදී, මිනිසුන් බොහෝ විට ඒවාට මුහුණ දෙන්නේ හානිකර පැවැත්මේ උපාය මාර්ග අනුගමනය කිරීමෙනි.
නිදසුනක් වශයෙන්, ඔවුන් පෝෂ්‍යදායී ආහාර ගැනීම සීමා කරයි, අධ්‍යාපනය සහ නිවාරණ සෞඛ්‍ය ආයෝජන අත්හරියි, නැතහොත් අවිධිමත් සහ යැපුම් කටයුතුවල නිරත වෙති.
මෙම සෘණාත්මක ක්‍රියා පරම්පරා ගණනාවක් පැවතිය හැකි බලපෑම් සමඟ මානව ප්‍රාග්ධනයේ දශක ගනනාවක ප්‍රගතිය ඛාදනය කළ හැක.
නරක අතට හැරෙමින් පවතින ආහාර අනාරක්ෂිත භාවය දැනටමත් ළමා මන්දපෝෂණය ලෙස 2021 සහ 2022 අතර 7.4 සිට 9.2% දක්වා වැඩි වී ඇත.
මෙරට ආර්ථිකය යථා තත්ත්වයට පත් කිරීම සඳහා තීරණාත්මක ප්‍රතිසංස්කරණ අනුගමනය කිරීම සහ මිනිසුන්ට ආරක්ෂිත දැලක් (safty net), වඩා හොඳ රැකියා සහ ආර්ථික අවස්ථා සඳහා ප්‍රවේශය ඇති බව සහතික කිරීම, නිවැරදි සමතුලිතතාවයක් ඇති කර ගැනීමට ජාත්‍යන්තර ප්‍රජාව ශ්‍රී ලංකාවට උපකාර කළ යුතු බව ද ලෝක බැංකු වාර්තාව මගින් වැඩිදුරටත් පෙන්වා දී තිබේ.
