චීනය, ඉන්දියාව, සෞදි අරාබිය සහ රටවල් හතේ(G7) නිලධාරී කණ්ඩායමක් ලබන සිකුරාදා නව ස්වෛරී ණය පිළිබඳ පවත්වන පළමු අතථ්‍ය වටමේස සාකච්ඡාවට සහභාගී වන බව ජාත්‍යන්තර මූල්‍ය අරමුදල පවසයි.
ශ්‍රී ලංකාව ද ඊට සහභාගිවීමට නියමිතය.
20 කාණ්ඩයේ පොදු රාමුව යටතේ ණය ප්‍රතිකාර ඉල්ලා ඇති ඉතියෝපියාව, සැම්බියාව සහ ඝානාව යන රටවල මෙන්ම ශ්‍රී ලංකාව, සුරිනාම් සහ ඉක්වදෝරය වැනි මධ්‍යම ආදායම් ලබන රටවල් ද මෙම වටමේසයට ඇතුළත් වනු ඇති බව පාර්ශ්ව 3ක් මීට පෙර තහවුරු කර තිබුණි.
මෙම රැස්වීම IMF, ලෝක බැංකුව සහ 20 කණ්ඩායමේ වත්මන් නායකයා වන ඉන්දියාව විසින් සම සභාපතිත්වය දරනු ඇත.
එමෙන්ම මෙම සාකච්ඡාව G20 මූල්‍ය නිලධාරීන් පෙබරවාරි 23-25 සිට ඉන්දියාවේ බෙංගලෝරු හි රැස්වීමට සතියකට පෙර සිදුවනු ඇත.
ලබන වසරේ G20 කණ්ඩායමට නායකත්වය දෙන බ්‍රසීලය ද සාකච්ඡාවට සහභාගී වන බව සඳහන් ය.
G7 යනු කැනඩාව, ප්‍රංශය, ජර්මනිය, ඉතාලිය, ජපානය, එක්සත් රාජධානිය සහ එක්සත් ජනපදය මෙන්ම යුරෝපා සංගමය ඇතුළු ලෝකයේ දියුණු ආර්ථිකයන් හතක කණ්ඩායමකි.
