මේ සති අන්තයේ විදුලි කප්පාදුව අඩු කිරීමට ලංකා විදුලිබල මණ්ඩලය තීරණය කර තිබේ.
ජල විදුලිය උත්පාදනය වැඩිවීම සහ අඩු බලශක්ති ඉල්ලුම හේතුවෙන් ලංවිම මෙම පියවර ගෙන ඇතැයි විදුලිබල හා බලශක්ති අමාත්‍ය කංචන විජේසේකර මහතා පවසයි.
ජල පෝෂක ප්‍රදේශවලට වර්ෂාව දිගටම පැවතුනහොත් විදුලිබල මණ්ඩලය විදුලි කප්පාදුව අවම මට්ටමක තබා ගනු ඇති බව ද අමාත්‍යවරයා සඳහන් කළේය.
කෙසේ වෙතත් ඉදිරි විදුලි උත්පාදනය සඳහා පවතින ජල සම්පත් කළමනාකරණය කර ගැනීමට ද ලංකා විදුලිබල මණ්ඩලය පියවර ගනු ඇති බව අමාත්‍යවරයා කියාසිටී.
