රාජ්‍ය සේවකයින් විශ්‍රාම ගැන්වීමේ උපරිම වයස් සීමාව අවුරුදු 60ට සීමා කළ ද අත්‍යවශ්‍ය සේවාවන්හි නිරත රාජ්‍ය සේවකයින් විශ්‍රාම ගැන්වීමේ උපරිම වයස් සීමාව තවදුරටත් අවුරුදු 63 මට්ටමේ තැබෙන බව රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශ ආරංචි මාර්ග සඳහන් කරයි.
ඒ අනුව වෛද්‍යවරුන් හා හෙද කාර්යමණ්ඩලය විශ්‍රාම වයස් සීමාව අවුරුදු 63 හා ඉංජිනේරුවන්ගේ විශ්‍රාම යෑමේ උපරිම වයස් සීමාව අවුරුදු 61 මට්ටමේ තිබෙන බවද එම ආරංචි මාර්ග කියයි.
ඒ සඳහා ඉදිරියේ දී කැබිනට් මණ්ඩල අනුමැතිය අපේක්ෂා කරන බවද ඉන් පසුව අදාළ උපදෙස් නිකුත් කරන බව බවද එම ආරංචි මාර්ග කියයි.
රාජ්‍ය සේවකයින්ගේ අනිවාර්ය විශ්‍රාම යෑමේ වයස් සීමාව අවුරුදු 65ක් ව තිබූ අතර රජයේ අතුරු අයවැය මගින් ඉකුත්දා එම වයස් සීමාව අවුරුදු 60 දක්වා අඩු කෙරිණ.
