මැතිවරණ නීතිරීති ප්‍රතිසංස්කරණ පිළිබඳව පාර්ලිමේන්තු විශේෂ කාරක සභාව මගින් යෝජනා කර ඇති මැතිවරණ ක්‍රමයේ සංශෝධන පිළිබඳව සාකච්ඡා කිරීමට පාර්ලිමේන්තුව නියෝජනය කරන සියලුම දේශපාලන පක්ෂවල නියෝජිතයන් හෙට (8) මැතිවරණ කොමිසමට කැඳවා තිබේ.
මෙම සාකච්ඡාව හෙට (8) පෙරවරු 10.00ට පැවැත්වෙන බව එම කොමිෂන් සභාව සඳහන් කළේය.
මෙහිදී මැතිවරණ නීති රීති ප්‍රතිසංස්කරණ පිළිබඳව පාර්ලිමේන්තු විශේෂ කාරක සභාව මගින් යෝජනා කර ඇති කරුණු පිළිබඳව එකඟවීම පිළිබඳව මෙන්ම එකඟ නොවන කරුණු පිළිබඳව දීර්ඝව සාකච්ඡා කෙරෙනු ඇත.
එහිදී එකඟවන කරුණු නීතියක් ලෙස ගෙන ඒම පිළිබඳවද සාකච්ඡා කෙරෙනු ඇති බවද වැඩිදුරටත් සඳහන් ය.
