ලෝක වෙළෙඳපලේ කිරිපිටි මිල ඉහළ යෑම හේතුවෙන් ආනයනික කිරිපිටි කිලෝග්‍රෑමයක මිල රුපියල් 300 කින් ඉහළ දැමීමට කිරිපිටි ආනයනකරුවන්ගේ සංගමය තීරණය කරයි.
එමෙන්ම ග්‍රෑම් 400 ක කිරිපිටි පැකට්ටුවක මිල ද රුපියල් 120 කින් ඉහළ දැමීමට සැලසුම් කර ඇති බව කිරිපිටි ආනයනකරුවන්ගේ සංගමය පැවසීය.
ලෝක වෙළඳපොළේ කිරිපිටි ටොන් එකක මිල ඇමරිකානු ඩොලර් 5500 ක් දක්වා ඉහළ යාම ඊට හේතුව බව එම සංගමය කියාසිටී.
මුදල් අමාත්‍යාංශය හා පාරිභෝගික ආරක්ෂණ අමාත්‍යාංශය ද මේ වන විට දැනුවත් කර ඇති බව කිරිපිටි ආනයනකරුවන්ගේ සංගමය වැඩිදුරටත් දැනුම් දෙයි.
