වැටුප් විෂමතා ඉවත් කරන ලෙස බලකරමින් රටපුරා විදුහල්පතිවරු ලබන සිකුරාදා (28) වැඩ වර්ජනයක නිරත වෙති.
අධ්යාපන ලේකම්වරයා විසින් ජනවාරි මස 5 වැනි දින නිකුත් කළ වැටුප් චක්රලේඛය මගින් ශ්රේණිධාරී විදුහල්පතිවරුන්ට බලවත් මූල්ය අසාධාරණයක් සිදුව ඇති බව පවසමින් ඊට විසඳුම් ඉල්ලා සංකේත වැඩ වර්ජනයක නිරත වන බව විදුහල්පති සමිති සන්ධානය සඳහන් කරයි.
ගුරුවරුන්ට වැටුප් වැඩි කිරීමේදී ශ්රේණිධාරී විදුහල්පතිවරුන්ට මූල්ය අසාධාරණයක් සිදුව ඇතත් එය නිවැරදි කිරීමට අධ්යාපන බලධාරීන් කටයුතු කළ නිසා එම සංකේත වැඩ වර්ජනය සිදුකරන බව විදුහල්පති සමිති සන්ධානයේ නියෝජිත පියසිරි ප්රනාන්දු මහතා සඳහන් කළේය.
එහි දෙවන පියවර ලෙස පෙබරවාරි මස තුන්වන දින ඉසුරුපාය අධ්යාපන අමාත්යංශය ඉදිරිපිට දැවැන්ත විරෝධතාවක් සංවිධානය කරන බව ඔහු සඳහන් කළේය.