මධ්‍යම අධිවේගී මාර්ගයේ මීරිගම සිට කුරුණෑගල දක්වා වූ කොටස (ඇතුගල්පුර පිවිසුම) ජනතා අයිතියට පත් පත්කිරීමෙන් අනතුරුව පළමු පැය 12 තුළ රුපියල් 2,805,100ක ආදායමක් උපයා ඇති බව ආණ්ඩු පක්ෂයේ ප්‍රධාන සංවිධායක මහාමාර්ග අමාත්‍ය ජොන්ස්ටන් ප්‍රනාන්දු මහතා පවසා තිබේ.
ගතවූ පළමු පැය 12 තුළ මීරිගම සිට කුරුණෑගල දක්වා අධිවේගී මාර්ගයේ වාහන 13,583 ක් ගමන් කර ඇත.
පසුගිය 15 වැනිදා එම කොටස ජනතා අයිතියට පත් කෙරුණු අතර එදින රාත්‍රි 12 සිට පසු දින දහවල් 12 පමණ දක්වා එහි නොමිලේ ගමන් කිරීමට ජනතාවට අවස්ථාව සලසා දී තිබුණි.
ඊයේ දිනය තුළ මෙම කොටසේ ජනතාව බොහෝ සෙයින් ගමන් ගැනීම නිසා අධික රථ වාහන තදබදයක් ද පැවති බව වාර්තා විය.
