කොළඹ වරායේ නැගෙනහිර පර්යන්තයේ ඉදිකිරීම් කටයුතු ලබන 12 වනදා ආරම්භ කරන බව වරාය හා නාවික කටයුතු අමාත්‍ය රෝහිත අබේගුණවර්ධන මහතා පවසයි.
ආසියානු සංවර්ධන බැංකුවෙන් ලබාදෙන ඩොලර් මිලියන 300ක මූල්‍යාධාරය ද ඇතුළුව මේ සදහා ශ්‍රී ලංකා වරාය අධිකාරිය මගින් ඩොලර් මිලියන 510ක මූලික ආයෝජනයක් සිදු කිරීමට නියමිත බව ඔහු සඳහන් කළේය.
අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් මෙහි සමාරම්භය සිදුවෙයි.
ඒ අනුව කොළඹ වරායේ නැගෙනහිර ජැටියේ ඉදිකිරීම් 2024 වසර මැද භාගය වනවිට අවසන් කිරීමට හැකිවනු ඇති බව වරාය හා නාවික කටයුතු අමාත්‍ය රෝහිත අබේගුණවර්ධන මහතා ප්‍රකාශ කළේය.
