රෝහින්‍යා ජාතිකයින් විසින් ෆේස් බුක් සමාගමට විරුද්ධව ඇමරිකානු ඩොලර් බිලියන එකසිය පනහක වන්දියක් ඉල්ලා ඇමරිකානු අධිකරණයක නඩුවක් පවරා තිබේ.
ඒ අනුව රෝහින්‍යා ජාතිකයින් සම්බන්ධයෙන් වෛරයක් ඇතිකරවන අන්දමින් ෆේස්බුක් හී පළකර තිබූ ප්‍රකාශ ඉවත් කිරීමට ෆේස්බුක් සමාගම නිසි ලෙස ක්‍රියා කර නොමැති බවට චෝදනා කරමින් මෙම නඩුව ගොනු කර ඇත.
එහිදී රෝහින්‍යා ජාතිකයින් පෙන්වා දී ඇත්තේ ෆේස්බුක් සමාගම අදාල වෛරී ප්‍රකාශ ඉවත් කිරීමට අසමත්වීම හේතුවෙන් තම ජාතිකයින්ට ඉතා අමානුෂික වදබන්ධනයන්ට මුහුණ දීමට සිදුවූ බවයි.
මේ චෝදනා සම්බන්ධයෙන් ෆේස්බුක් සමාගම මේවන තෙක් ප්‍රකාශයක් නිකුත් කර නොමැත.
2017 වර්ෂයේදී රෝහින්‍යා ජාතිකයින්ට මියන්මරා රජය සහ හමුදා විශාල වදබන්ධනයන්ට ලක්කර බවත් දස දහසකට ආසන්න පිරිසක් මරණයට පත්වූ බවද පවසන අතර ඒ සම්බන්ධයෙන් ජගත් මානව හිමිකම් කොමිසමේද විශාල අවදානය යොමුවිය.
