fbpx
තවත්
    මුල් පිටුවදේශීය පුවත්වයඹ ආණ්ඩුකාර රාජා කොල්ලුරේ අභාවප්‍රාප්ත වෙයි

    වයඹ ආණ්ඩුකාර රාජා කොල්ලුරේ අභාවප්‍රාප්ත වෙයි

    කොවිඩ් අසාධිතව ප්‍රතිකාර ලබමින් සිටි වයඹ ආණ්ඩුකාර රාජා කොල්ලුරේ මහතා අද(07) දින අභාවප්‍රාප්ත වී ඇත.

    රාජා කොල්ලුරේ මහතා ලංකාවේ පළමු ශිෂ්‍ය සංගමය වූ ලංකා ජාතික ශිෂ්‍ය සංගමයේ පුරෝගාමි නායකයෙක් ලෙස හා එහි සභාපති ලෙස සිය දේශපාලන ජීවිතය ආරම්භ කළ කෘතහස්ත දේශපාලකයයෙකි.

    ශ්‍රී ලංකා නීති සංගමයේ ප්‍රථම නීති සභාවේ නිර්මාතෘ නියෝජිතයකු වූ එතුමා නීති සභාවේ නියෝජිතයෙකු වශයෙන් ද කටයුතු කළේය.

    හිටපු පාර්ලිමේන්තු මන්ත්‍රී වරයෙක් ලෙසද රාජ්‍ය භාෂා කොමිෂන් සභාවේ හිටපු සභාපති වරයා ලෙසද හෙතම රට වෙනුවෙන් විශාල වැඩ කොටසක් ඉටු කළේය.

    ජාත්‍යන්තර නායකයින් රැසක් සමඟ සම්බන්ධතා ඇති ජාත්‍යන්තරය පිළිගත් වමේ නායකයකු වූ ඒ මහතා 1981 සිට 1985 දක්වා කාලය තුළ චෙකොස්ලොවැකියාවේ ප්‍රාග් නුවර සිට ක්‍රියාත්මක වූ ලෝක ප්‍රසිද්ධ පුවත්පත් කීපයකම සංස්කාරක ධූරයද දැරුවේය.

    අවුරුදු 32 කට පසු ලංකා ජාතික ශිෂ්‍ය සංගමය නැවත ගොඩ නැංවීමට නායකත්වය ලබාදුන් අයෙකු ලෙසද ලංකා ජාතික ශිෂ්‍ය සංගමයේ 12 ජාතික සම්මේලනයෙන් පත්වූ සභාපති වරයා ලෙසටද කටයුතු කළ ඒ මහතා, මිය යන තුරු සමාජවාදී අදහස් සුපෝෂණය කිරීමට දායක වූයේය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.