මෙවර අය-වැයට සහය ලබාදෙන්නේද නැද්ද යන්න පක්ෂ මධ්‍යම කාරක සභාවේ දී සාකච්ඡා කර තීරණයක් ගන්නා බව හිටපු ජනාධිපති මෛත්‍රීපාල සිරිසේන මහතා පවසයි.
ඒ අනුව මේ සම්බන්ධයෙන් සාකච්ඡා කිරීමට ඉදිරියේදී පක්ෂ මධ්‍යම කාරක සභාව කැඳවීමට නියමිතව ඇතැයිද ඔහු සඳහන් කළා.
එමෙන්ම විශ්‍රාම වැටුප් කප්පාදුව සම්බන්ධයෙන් අදහස් දක්වමින් හිටපු ජනාධිපතිවරයා සඳහන් කර සිටියේ ජනතාවගේ ප්‍රශ්න විසදෙනවානම් විශ්‍රාම වැටුප කැප කිරීමට තමන් සූදානම් බවයි.
