ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩිලාන් පෙරේරා මහතා අද ඌව පරණගම හා හාලිඇල යාකෙරෙන ලෑලි පාලමක් මත ගමන් කරද්දී ඇදවැටීමෙන් හදිසි අනතුරකට මුහුණ දී තිබේ.
මන්ත්‍රීවරයා පාලමෙන් ගගට ඇදනොවැටී බේරී ඇති අතර ඔහුට අනතුරක් සිදුව නැති බවද වාර්තා වෙයි.
මෙම පැරණි ලී පාලම අබලන් තත්ත්වයේ පැවති බැවින් මන්ත්‍රීවරයා එහි ගොස් ඇත්තේ එය නිරීක්ෂණය සඳහා ය.
මෙම ඇදවැටීම සිදුව ඇත්තේ එහිදී පාලමේ කැඩී තිබූ ලෑලි කැබැල්ලක පය තැබීම හේතුවෙනි.
