සහල් මෙට්‍රික් ටොන් ලක්ෂයක් ආරක්ෂිත තොගයක් ලෙස පවත්වාගෙන යාම සඳහා ආනයනය කිරීමට රජය තීරණය කරයි.
මේ අතර කොළඹ වරායේ පවතින අත්‍යවශ්‍ය ආහාර ද්‍රව්‍ය ඇතුළත් බහාලුම් නිදහස් කිරීම සඳහා අවශ්‍ය මුදල් ප්‍රතිපාදන ශ්‍රී ලංකා මහ බැංකුව මගින් ලබා දීමට තීරණය වී තිබේ.
මෙම තීරණ ක්‍රියාත්මක කිරීම සඳහා අද පැවති අමාත්‍ය මණ්ඩල රැස්වීමේදී අනුමැතිය ලැබී ඇත.
මේ අතර කිරි පිටි, ගෑස්, තිරිඟු පිටි, සිමෙන්ති ඇතුළු අත්‍යවශ්‍ය භාණ්ඩවල මිල වෙනස්කිරීම සම්බන්ධයෙන් තීරණයක් අද කැබිනට් මණ්ඩල රැස්වීමේදී ගෙන නොමැති බවද වාර්තා විය.
