කොවිඩ් 19 වෛරසය ආසාදිතව ඊයේ දිනයේ මරණ 186ක් සිදුව ඇතැයි සෞඛ්‍ය සේවා අධ්‍යක්ෂ ජනරාල්වරයා විසින් අද තහවුරු කළේය. දිනක් තුළ සිදුවූ වැඩිම කොවිඩ් ආසාදිත මරණ ගණන වන්නේ මෙයයි.
ඒ අනුව සමස්ත කොවිඩ් මරණ ගණන 6,790ක් දක්වා ඉහළගොස් තිබේ.
ඊයේ සිදුව ඇති මරණ අතර කාන්තාවන් 75 දෙනෙකු ද පිරිමි පුද්ගලයින් 111 දෙනෙකුද සිටිති. ඒ අය අතර වයස අවුරුදු 60 ට වැඩි පිරිස 147 කි. එසේම මෙම මරණ අතර අවුරුදු 30 ට අඩු පුද්ගල මරණ 04 ක් වන අතර තිදෙනෙක්ම පිරිමින්ය.
