මෙරට ප්රසිද්ධ නිරූපන ශිල්පිනියන් දෙදෙනෙකුගේ නමින් ව්යාජ ෆේස්බුක් ගිණුම් දෙකක් නිර්මානය කර නිරූපන ශිල්පිනියන් ලෙස නවක තරුණියන් බඳවා ගන්නා බවට දැන්වීමක් එහි පලකර තරුණියන්ගේ නිරුවත් ඡායාරූප ඒ ඔස්සේ ලබාගත් පාසල් ශිෂ්යයෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.
මිනුවන්ගොඩ පදිංචි මෙම සිසුවා 19 හැවිරිදි වියේ පසුවන්නෙකි. ඔහු උසස් පෙළ අධ්යාපනය ලබන අතර ඔහු විෂයක් ලෙස තොරතුරු තාක්ෂණ විෂය හදාරන බවද පොලීසිය කියයි.
මෙම සිසුවා මෙම කටයුත්ත මාස හයක් තිස්සේ කර ඇති බව පොලීසිය කියයි. සැකකාර සිසුවාගේ පරිගණකයේ තිබී තරුණියන් 12දෙනෙකුගේ නිරුවත් ඡායාරූප රැසක්ද හමුවී ඇත.