fbpx
තවත්
    මුල් පිටුවඋණුසුම් පුවත්5 ශිෂ්‍යත්ව ටියුෂන් ලබන 14දා සිට තහනම්

    5 ශිෂ්‍යත්ව ටියුෂන් ලබන 14දා සිට තහනම්

    ශිෂ්‍යත්ව උපකාරක පන්ති එළඹෙන 14 වනදා මධ්‍යම රාත්‍රියේ සිට තහනම් කෙරෙන බව විභාග කොමසාරිස් ජනරාල් LMD ධර්මසේන මහතා පවසයි.

    එළඹෙන 18 වනදා පැවැත්වෙන ශිෂ්‍යත්ව විභාගය අවසන් වන තුරු මෙම තහනම ක්‍රියාත්මක වන බව නිවේදනයක් නිකුත් කරමින් විභාග කොමසාරිස් ජනරාල්වරයා කිියා සිටී.

    ඒ අනුව මෙම මස 14 දින සිට ශිෂ්‍යත්ව විභාගය වෙනුවෙන් උපකාරක පන්ති පැවැත්වීම සහ එම පන්ති මෙහෙයවීම, එම විභාගයට අදාළ සියලු සම්මන්ත්‍රණ, දේශන, වැඩමුළු පැවැත්වීම, විභාගය සඳහා අනුමාන ප්‍රශ්න ඇතුළත් ප්‍රශ්න මුද්‍රණය කිරීම සහ ඒවා බෙදාහැරීම තහනම් වනු ඇත.

    එසේම විභාග ප්‍රශ්න පත්‍රවල ප්‍රශ්න ලබාදෙන බවට හෝ ඒ හා සමාන ප්‍රශ්න ලබාදෙන බවට පෝස්ටර්, බැනර්, අත් පත්‍රිකා, විද්‍යුත් මාධ්‍ය හෝ සමාජ මාධ්‍ය ඔස්සේ ප්‍රසිද්ධ කිරීම හෝ එවැනි දේ ළඟ තබාගැනීම සපුරා තහනම් බව විභාග කොමසාරිස් ජනරාල්වරයා නිවේදනය කර සිටී.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.