සුරාබදු දෙපාර්තමේන්තුවේ ස්ටිකර් හිඟවීමෙන් මත්පැන් අලෙවිය පිළිබඳ ගැටලුකාරී තත්ත්වයක් උද්ගත ව තිබේ.
නිෂ්පාදනයේ ගුණාත්මකභාවය තහවුරු කෙරෙන මෙම ස්ටිකර් ඉන්දියාවෙන් ආනයනය කරනු ලබන අතර එහි හිඟයක් මතු ව ඇත්තේ පවතින විනිමය අර්බුදය හේතුවෙනි.
නිෂ්පාදනයේ සංයුතිය, අදාළ සමාගම බදු ගෙවීම පිළිබඳ මෙන්ම නිෂ්පාදන ප්‍රමාණය ද මෙම ස්ටිකරයෙහි සඳහන් ය.
කෙසේවෙතත් මේ වන විට එම ස්ටිකර් යළි කඩිනමින් ඉන්දියාවෙන් ආනයනය කිරීමට පියවර ගෙන ඇති බව සුරාබදු දෙපාර්තමේන්තුවේ මාධ්‍ය ප්‍රකාශක සුරාබදු කොමසාරිස් කපිල කුමාරසිංහ සඳහන් කළේය.
