අධික ලෙස මත්ද්‍රව්‍ය හා මත්පැන් පානය කිරීමෙන් හටගත් රෝගී තත්ත්වයක් හේතුවෙන් මන්නාරම රෝහලට ඇතුලත්කළ සිව් දෙනෙකුගෙන් දෙදෙනෙක් මිය ගොස් ඇත.
මෝටර් රථයකින් ගමන් කරමින් සිටි ඔවුන් සිව් දෙනා රෝහල්ගතකර ඇත්තේ ඇතිවුණු සංකූලතාවක් හේතුවෙනි.
මියගොස් ඇත්තේ අවුරුදු 26ක් සහ 34ක් වයසැති තලෙයිමන්නාරම හා පේසාලේ පදිංචිකරුවන් දෙදෙනෙකි.
මොවුන් ඊයේ සවස මත්ද්‍රව්‍ය සහ මත්පැන් භාවිතාකර මෝටර් රථයක නැගී ගමන් කරමින් සිටියදී අසනීප වී ඇත්තේ උයින්කුලම ප්‍රදේශයේදීය.
මිය යාමට හේතුව අධික ලෙස මත්ද්‍රව්‍ය සහ මත්පැන් පානය කිරීම බව අනාවරණය වී ඇත්තේ පශ්චාත් මරණ පරීක්ෂණයේදී බව මන්නාරම පොලීසිය සඳහන් කරයි.
