විමල් වීරවංශ හා උදය ගම්මන්පිල අමාත්‍ය ධූරවලින් ඉවත් කර අමාත්‍ය මණ්ඩලය සංශෝධන කිරීමෙන් රටේ පවතින ගැටළුවලට විසඳුම් ලබාදීමට නොහැකි බව සමගි ජන බලවේගය පවසයි.
එහි ජාතික සංවිධායක පාර්ලිමේන්තු මන්ත්‍රි තිස්ස අත්තනායක මහතා කියාසිටියේ අමාත්‍ය ධුර වෙනස් කිරීමෙන් පවතින ගැටළු විසඳෙන්නේ නම් පළමුව කළ යුත්තේ සමස්ත ආණ්ඩුව ඉල්ලා අස්වීම බවයි.
ඉන්ධන අර්බුදයත් සමඟ රට තුළ ඇතිවී තිබෙන අර්බුද විසඳීම මේ මොහොතේ රජයේ ප්‍රමුඛ කාර්යය විය යුතු බව මන්ත්‍රීවරයා පවසයි.
ඇමතිවරුත් ඉවත්කොට ඇමතිකූට්ටම ඇනීමෙන් ජනතාවගේ සැබෑ ප්‍රශ්න විසදෙන්නේ නැතැයි ද පාර්ලිමේන්තු මන්ත්‍රී තිස්ස අත්තනායක මහතා වැඩිදුරටත් පැවසීය.
