සිංහල හා දෙමළ අලුත් අවුරුදු නැකැත් සීට්ටුව චාරිත්රානුකූලව ජනාධිපති ගෝඨාභය රාජපක්ෂ මහතාට අද (06) පෙරවරුවේ පිළිගන්වනු ලැබීය.
චිරාගත සාම්ප්රදායී පිළිවෙත් අනුව අඬබෙරකරුවෙක් සමග පැමිණි නැකැත්කරු විසින් රැගෙන ආ නැකැත් සීට්ටුව ජාතික උරුම, ප්රාසාංග කලා හා ග්රාමීය කලා ශිල්පී ප්රවර්ධන රාජ්ය අමාත්ය විදුර වික්රමනායක මහතා විසින් ජනාධිපති ගෝඨාභය රාජපක්ෂ මහතා වෙත පිළිගන්වනු ලැබීය.
අලුත් අවුරුදු උදාව, පුණ්ය කාලය, ආහාර පිසීම, ලිප ගිනි දැල්වීම, ආහාර අනුභවය, හිසතෙල් ගෑම සහ නව වසරේ රැකියා සඳහා පිටත්ව යාම ආදී සුබ මුහුර්තයන් නැකත් සීට්ටුවට ඇතුළත්ය.