fbpx
තවත්
    මුල් පිටුවCOVIDමාස දෙකක් තිස්සේ අහඹු පී.සී.ආර් පරීක්ෂණ නෑ - උපුල් රෝහණ කියයි

    මාස දෙකක් තිස්සේ අහඹු පී.සී.ආර් පරීක්ෂණ නෑ – උපුල් රෝහණ කියයි

    මාස දෙකක පමණ සිට මහජන සෞඛ්‍ය පරීක්ෂකවරුන් අහඹු ලෙස සිදුකරන පී.සී.ආර් පරීක්ෂණ හෝ රැපිඩ් ඇන්ටිජන් පරීක්ෂණ සිදු නොකරන බව එම සංගමයේ සභාපති උපුල් රෝහණ මහතා අද (10) දින පැවසීය.

    ඒ අනුව මීට පෙර පී.සී.ආර් පරීක්ෂණ සහ රැපිඩ් ඇන්ටිජන් පරීක්ෂණ සිදු කළ ස්ථානවලින් 99%කම මේ වනවිට පරීක්ෂණ සිදු නොකරන බව ඔහු සඳහන් කළේය.

    මේ වනවිට නිරෝධායන මධ්‍යස්ථානවලද කිසිදු PCR පරීක්ෂණයක් සිදු නොවන බවද ඔහු කියා සිටියේය.

    දෛනික ආසාදිතයන් වාර්තාවන්නේ රෝහල්වලින් සහ අත්‍යවශ්‍ය හේතු මත සෞඛ්‍ය නිලධාරි කාර්යාලවලට පැමිණ පරීක්ෂණ කරන පුද්ගලයන්ගෙන් බවද මහජන සෞඛ්‍ය පරික්ෂකවරුන්ගේ සංගමයේ සභාපති උපුල් රෝහණ වැඩිදුරටත් ප්‍රකාශ කළේය.

    එසේ වුවද මහජන සෞඛ්‍ය පරීක්ෂකවරුන්ගේ අධීක්ෂණය මත අද දිනයේ ද දිවයිනේ ඇතැම් ප්‍රදේශවල අහඹු පී.සී.ආර් පරීක්ෂණ පැවති බව නිව්ස් වේව් වෙත වාර්තා විය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.