fbpx
තවත්
    මුල් පිටුවඋණුසුම් පුවත්හොර පාරෙන් එන තහනම් පළිබෝධ ගොවීන් අතට යන අවදානමක්

    හොර පාරෙන් එන තහනම් පළිබෝධ ගොවීන් අතට යන අවදානමක්

    පළිබෝධනාශක ආනයනය රජය සම්පූර්ණයෙන්ම අත්හිටුවීම නිසා මේ වන විට නීත්‍යානුකූල නොවන මාර්ග ඔස්සේ ව්‍යාජ සහ තහනම් පළිබෝධනාශක ගොවීන් අතට පත්වීමේ අවදානමක් හටගෙන ඇතැයි පළිබෝධනාශක ආනයනකරුවන් ඇතුළු පාර්ශවවල ඒකාබද්ධ සංවිධානය croplife sri lanka සංවිධානය සඳහන් කරයි.

    මේ නිසා මෙරට කෘෂි බෝගවල ගුණාත්මකභාවය අඩු වන අතර ගොවි ජනතාවට දැඩි අනතුරකට පත් වනු ඇතැයි එම සංවිධානය සඳහන් කරයි.

    මේ වන විට පවතින අර්බුදකාරී තත්වය හමුවේ තෝරාගත් බෝග ආරක්ෂණ ද්‍රව්‍ය ප්‍රමාණයක් ආනයනය කිරීමට ක්‍රියාමාර්ග ගනිමින් පැවතිය ද එමඟින් මෙරට කෘෂි ක්ෂේත්‍රයේ අවශ්‍යතාවයන් සම්පූර්ණයෙන් ඉටුකිරීමට නොහැකි වී ඇතැයි දීම සංවිධානය සඳහන් කරයි.

    රටේ ආහාර සුරක්ෂිතතාවය තහවුරු කිරීම සඳහා නියමිත වගා කන්න තුළ වගා කටයුතු ආරම්භ කිරීම අවශ්‍ය නමුත් වල්නාශක, පළිබෝධනාශක නොමැති වීම නිසා එම තත්ත්වය අස්ථාවර වී ඇතැයිද එම සංවිධානය කියයි.

    මහ කන්නය නිසි පරිදි ආරම්භ කිරීමට ගොවීන්ට නොහැකි වී ඇතැයි එම සංවිධානය කියයි.

    එම නිසා කෘෂිකර්මාන්තයට අත්‍යවශ්‍ය වල්නාශක, කෘමිනාශක වල් නාශක, කෘමි නාශක සහ දිලීර නාශක ඇතුළු බෝග ආරක්ෂන ද්‍රව්‍ය පෙර පරිදි ප්‍රමාදයකින් තොරව ගොවි ජනතාවට ලබා දෙන්නැයි රජයෙන් ඉල්ලා සිටින බවද එම සංවිධානය සඳහන් කරයි .

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.