2023 දෙසැම්බර් මාසය තුළ දී ශ්‍රී ලංකාවට පැමිණ ඇති විදෙස් සංචාරකයින් ප්‍රමාණය 210,352 ක් බව ශ්‍රී ලංකා සංචාරක සංවර්ධන අධිකාරිය සඳහන් කරයි.
එය පසුගිය වසරේ (2023 ) වැඩිම සංචාරකයින් පිරිසක් ලංකාවට පැමිණ ඇති මාසයයි.
සංචාරක අමාත්‍ය හරීන් ප්‍රනාන්දු මහතා පවසා තිබුණේ ගෙවී ගිය වසර 4ක කාලය තුළ මාසයක් තුළදී මෙරටට පැමිණී වැඩිම සංචාරකයින් සංඛ්‍යාව ගෙවුණු දෙසැම්බරයේ පැමිණ ඇති බවයි. 
ඒ අනුව 2023 වසරේ මෙරටට පැමිණි සමස්ත විදෙස් සංචාරකයින් සංඛ්‍යාව 1,487,303 ක් වේ.
එය රජයේ මේ වසරේ මුල් ඉලක්කය වූ ලක්ෂ 15 ආසන්නයට පැමිණ තිබීම ද විශේෂත්වයකි.
