වීරයෙක් වෙන්න හදන්න එපා යැයි අමාත්‍ය සරත් වීරසේකර මහතා අද (05) පාර්ලිමේන්තුවේ දී සරත් ෆොන්සේකා මන්ත්‍රීවරයාට කළ ප්‍රකාශය සමඟ උණුසුම් තත්ත්වයක් ඇතිවිය.
කොවිඩ් විවාදයට එක්ව සිටි අමාත්‍ය සරත් වීරසේකර මහතා, කොවිඩ් පාලනයට පොලිසිය සහ ත්‍රිවිධ හමුදාව ඇතුළු බුද්ධි ඉටු කරන දායකත්වය පැහැදිලි කරමින් සිටියේය.
එහිදී සරත් ෆොන්සේකා මන්ත්‍රීවරයා, බීබීසී යට ප්‍රකාශයක් දෙමින් රට පාවා දී ඇතැයි චෝදනා කළ සරත් වීරසේකර මහතා, මෙරට හමුදා අපරාධවලට සාක්ෂි දෙන්නම් යැයි සරත් ෆොන්සේකා මන්ත්‍රීවරයා පවසා ඇතැයි හෙළි කළේය.
එහි දී නැගී සිටි සරත් ෆොන්සේකා මන්ත්‍රීවරයා, හමුදාවට මිනී මරන්න අයිතියක් දී නැතැයි කියා සිටියේය. එසේම තමන් අඳින ලද නිල ඇඳුමේ ගෞරවය රැක ගන්නැයි වීරසේකර ඇමතිවරයාට කීවේය.
ඒ සමඟම දෙපසට වාග් සංග්‍රාමයක් ඇතිවිය.
