අරලියගහ මන්දිරය ඉදිරිපිට සහ ගාලු මුවදොර පිටියේ අරගලයේ නිරතව සිටි පිරිසට පහරදීම සම්බන්ධයෙන් අපරාධ පරීක්ෂණ දෙපාර්තමේන්තුව විසින් කරන විමර්ශනයන්ට අදාලව බස්නාහිර පළාත් සභාවේ හිටපු මන්ත්රීවරයෙක් වන අමල් සිල්වා සහ මොරටුව නගර සභාවේ සේවකයෙක් අත්අඩංගුවට ගෙන තිබේ.
මොවුන් දෙදෙනාව මොරටුවේදී ඊයේ රාත්රියේදී අත්අඩංගුවට ගෙන ඇතැයි අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
මෙම පහරදීම සම්බන්ධයෙන් මෙයට පෙර ද මොරටුව නගර සභාවේ කම්කරුවෙක් අත්අඩංගුවට ගත්තේය. ඒ අනුව මේ වන විට අරගලකරුවන්ට පහරදීම් සම්බන්ධයෙන් අත්අඩංගුවට ගෙන ඇති පිරිස තිදෙනෙකි.