අලුත් අවුරුදු සමය වනවිට දේශීය නිමි ඇඳුම්වල මිල 50% කින් ඉහළ යා හැකි බව සමස්ත ලංකා කුඩා කර්මාන්තකරුවන්ගේ සංගමය පවසයි.
එම සංගමයේ ජාතික සංවිධායක නිරුක්ෂ කුමාර මහතා පෙන්වා දෙන්නේ රුපියල අවප්‍රමාණය වීම හේතුවෙන් මේ වන විටත් රෙදි මිල 35% කින් වැඩි වී ඇති බවයි.
විනිමය අනුපාතය වෙනස් වීම හමුවේ දේශීය ඇගලුම්හල් ලාභ ලැබීම පිළිබඳ විශ්වාසයකින් කටයුතු කිරීමට නොහැකි වීමේ තත්ත්වයකට ද මුහුණ පා ඇතැයිද ඔහු පැවසීය.
මේ හේතුවෙන් සේවකයා වෙත මාසික වේතනය ලබාදීමේ දී මේ අනුව ගැටළු මතුවී ඇති බවද නිරුක්ෂ කුමාර මහතා වැඩිදුරටත් සඳහන් කළේය.
