නීතිඥවරයෙකුගේ කාර්යාලයේ සේවය කරණ තරුණියකට ලිංගික අතවර කිරීමට උත්සාහ කළ බව කියන බන්ධනාගාර නියාමකවරයෙකුව අත්අඩංගුවට ගෙන ඇති බව හලාවත පොලීසිය කියයි.
පසුගිය 11 වැනිදා සවස පොලීසිය විසින් අත්අඩංගුවට ගෙන ඇත්තේ මීගමුව රිමාන්ඩ් බන්ධනාගාරයට අනියුක්තව සේවය කරමින් සිටි නියාමකවරයෙකුවය.
හෙතෙම ඇල්පිටිය – ඇත්කදවුර ප්රදේශයේ පදිංචි වයස අවුරුදු 25 ක් වන අයෙකි.
හලාවත අධිකරණ සංකීර්ණය ආසන්නයේ ඇති නීතිඥ කාර්යාලයක අදාල තරුණිය සේවය කරමින් සිට ඇත.
එම කාර්යලයට පැමිණ ඇති සැකකාර බන්ධනාගාර නියාමකවරයා කාර්යාලයේ සේවය කරමින් සිටි තරුණියට ලිංගික අතවර කිරීමට උත්සාහ කර ඇත.
පසුව සිද්ධියට මුහුණ දුන් තරුණිය නීතිඥවරයෙකුද සමග පැමිණ සිද්ධිය සම්බන්ධයෙන් පොලීසියට පැමිණිල්ලක් සිදු කර ඇත.
අනතුරුව පොලීසිය විසින් සැකකරු අත්අඩංගුවට ගැනීමට කටයුතු කර ඇත.
සැකකරු හලාවත දිසා අධිකරණයට ඉදිරිපත් කිරීමට නියමිතව ඇත.