ලංගම සේවයන්ට ප්රසාද දීමනාවක් ලෙස රුපියල් 15000 ක් සහ පාසල් උපකරණ මිලදී ගැනීම සඳහා නැවත ගෙවීමේ පදනම මත රුපියල් 15000 ක් ලෙස රුපියල් 30000 ක කඩිනම් ප්රසාද දීමනාවක් ලබාදෙන ලෙස ඉල්ලමින් සමස්ත ලංකා ප්රවාහන සේවක සංගමය මුදල් අමාත්ය බැසිල් රාජපක්ෂ මහතාගෙන් ලිඛිත ඉල්ලීමක් කර තිබේ.
තමසේවකයන් ප්රමාණවත් සෞඛ්ය පහසුකම් නොමැතිව ‘කොවිඩ්’ ව්යාප්තිය කාලයේ ද ජීවිත අවදානම ද නොතකා සේවය කළ බැවින් මෙම ප්රසාද දීමනාව ලබාදීමට මැදිහත් වන ලෙස ඔවුන් මුදල් අමාත්යවරයාගෙන් ඉල්ලා තිබේ.
එම සංගමයේ ඉල්ලීම මත පසුගිය වසරේ රුපියල් 23,500 ක මුදලක් ලබා දුන්න ද වර්තමාන ආර්ථික අර්බුදය පිළිබඳව අවධානය යොමු කර මෙවර කිසිඳු වර්ගීකරණයකින් තොරව රුපියල් 30,000 ක සම්පූර්ණ මුදල සියලුම ලංගම සේවකයන්ට ලබාදීමට කටයුතු කරන ලෙස ද ඔවුන් වැඩි දුරටත් ඉල්ලා සිටියි.