හංවැල්ල එලමලවල ප්‍රදේශයේ දී ත්‍රිරෝද රථ රියදුරකුට ඊයේ කිසියම් පිරිසක් විසින් වෙඩි තබා පලායාමේ සිද්ධිය කප්පම් කල්ලියක ප්‍රහාරයක්දැයි සැක මතුවී තිබේ.
ඊයේ සවස 6-7ත් අතර කාලයේදී සිදුවූ මෙම වෙඩි තැබීමෙන් තුවාල ලැබූ රියදුරු අවිස්සාවේල්ල රෝහල්ගත කර ඇත.
තුවාල ලබා ඇත්තේ 34 හැවිරිදි වැලිපිල්ලෑව පදිංචිකරුවෙකි.
හංවැල්ල, අතුරුගිරිය ආශ්‍රිතව දිගින් දිගටම කප්පම් ගැනීමේ සිද්ධීන් හේතුවෙන් වන වෙඩිතැබීම් ගැන වාර්තා වීම මෙම වෙඩිප්‍රහාරය පිළිබඳව ද සැක මතුවීමට හේතු වී ඇත.
