අ.පො.ස (සා.පෙළ) විභාගය පැවැත්වෙන කාලසීමාව තුළ විදුලි කප්පාදුව සිදුනොකරන ලෙසට මහජන උපයෝගීතා කොමිසම ලංකා විදුලිබල මණ්ඩලයට උපදෙස් දී තිබේ.
එහි සභාපති ජනක රත්නායක මහතා සඳහන් කළේ ලබන 22 වැනිදා පස්වරු 6.30න් පසුව ජුනි මස 1 වැනිදා දක්වා විදුලි කප්පාදුවෙන් වලකින ලෙසට විදුලි බල මණ්ඩලයට දැනුම් දුන් බවයි.
එම කාලය තුළ විදුලිබල මණ්ඩලයට විදුලිය නිෂ්පාදන සඳහා අවශ්ය ඉන්ධන හා ජල පහසුකම් ලබාදීමට අදාළ ආයතන පොරොන්දු වී ඇති බවද ඔහු වැඩිදුරටත් පැවසීය.