නව පාසල් වාරය ලබන සඳුදා (07) ආරම්භවීමත් සමඟ කණ්ඩායම් ක්‍රමයට සිසුන් පාසල් වෙත කැදවීමට අධ්‍යාපන අමාත්‍යාංශය තීරණය කර තිබේ.
ඒ අනුව පංතියක සිසුන් 20 අඩු සංඛ්‍යාවක් සිටීනම් එම සිසුන් පාසල් පවත්වන සෑම දිනකම කැදවීමත් ඊට වඩා සිසුන් සිටීනම් සිසුන් කණ්ඩායම් ක්‍රමයට කැදවන ලෙසත් විදුහල්පතිවරුන්ට මේ වන විටත් උපදෙස් දී ඇතැයි අධ්‍යාපන අමාත්‍යාංශයේ උසස් නිලධාරියෙක් සදහන් කළේය.
සිසුන් සංඛ්‍යාව 21ත් 40 ත් අතර සිටින පන්ති කණ්ඩායම් දෙකකට බෙදා සතියක් හැර සතියක් ලෙසත් සිසුන් 40 ට වැඩි පිරිසක් සිටින පන්ති කණ්ඩායම් තුනකට බෙදා කැදවිය යුතු බවටත් විදුහල්පතිවරුන් දැනුවත්කර තිබෙන බවද එම නිලධාරියා පැවැසීය.
මෙසේ කණ්ඩායම් ක්‍රමයට සිසුන් කැදවීමේදී පාසල් වෙත නොකැදවෙන සිසුන් වෙනුවෙන් විකල්ප අධ්‍යාපන ක්‍රමවේදයක් භාවිතා කරමින් විෂය නිර්දේශ ආවරණය කළ යුතු බවද විදුහල්පතිවරුන් දැනුවත්කර ඇති බව වැඩිදුරටත් එම නිලධාරියා සඳහන් කළේය.
